قصة أم ومربية أجيال

18_dina-el-nahas-1

دينا النحاس أم ومربية أجيال.  دائما مبتسمة ومتفاؤلة وتسعى لبعث الأمل والألهام فيمن حولها.  محبوبة ممن حولها ولها حضور ايجابي ومؤثر في أي مكان تكون فيه.  مثقفة وتؤمن بقيمة العلم والعمل الجاد وتسعى لأن يكون لها بصمة في قيادة العملية التعليميه في مصر.  أفتخر ان اقدم اليكم قصتها

بلعب أدوار كتيرة جدا في حياتي. أنا ام لبنتين في اجمل سن (سن المراهقة!) و زوجة لرجل دايما بيساندني و ابنة لاجمل و احن ام و اكتر أب متفائل و حفيدة لأعظم جدة و صديقة لأجدع صحاب

بشتغل ناظرة لمرحلتي الابتدائي و الاعدادي و مدربة معتمدة من المجلس الثقافي البريطاني و وزارة التربية و التعليم بتدريب المدرسين و قيادة المدارس و لايف كوتش معتمدة للشباب و الطلبة في سن المراهقة

انا بؤمن جدا بالعادات السبع لحياة افضل من د. ستيفين كوفي و بحاول اطبقها جدا في حياتي.  وعشان أنجح في التوازن بين الادوار المختلفة اللي بلعبها اتعلمت أقسم مسئولياتي وواجباتي.  أنا بعمل ده على حسب مصفوفة ادارة الوقت كما قدمها د. كوفي وبرتب ادواري على حسب الاهمية و الاولوية.  وأهم حاجة في كل ده اني بعمل حساب لنفسي عشان ماتتنساش في زحمة اليوم او الاسبوع

أكبر تحدي بمر بيه هو اني مع كل الأدوار دي اخلص رسالة الدكتوراه في قيادة العملية التعليميه. نفسي جدا اخلصها عشان ابدا اطبق حاجات كتير تنفع مدرسينا و طلابنا و تساعد اولياء الامور على تخطي صعاب المرحلة التعليميه ان شاء الله وربنا يقدرني

تاني تحدي وهو تحدي مستمر هو التصميم على استخدام الروح الايجابية و التفاؤل و خصوصا في اصعب الظروف.  أنا مقتنعة جدا بأهمية السلام الداخلي و مثلي في الموضوع ده ماستر شيفو اللي علم كونج فو باندا يؤمن بقوته عن طريق السلام الداخلي في سلسة افلام كونج فو باندا

الحياة علمتني دروس كثير

ا* ان لو بطلنا نحلم نموت على رأي الفنان محمد منير. من غير احلام مش حيكون فيه اهداف ولا فرحة النجاح بوصولنا لاهدافنا و لا حتي شعورنا بالحزن لعدم تحقيقنا لبعض الاهداف اللي بنكتشف بعد مدة ان ربنا كاتب لنا الخير في مكان بعيد عنها و مش شايفينه الا لما نقع و نتالم عشان ندور على مخرج

ا* ان ربنا كبيييييير جدا و معانا في كل خطوة و لازم ايماننا يكون دايما بيه بالفعل مش كلام و بس

ا* انها عاملة زي موج البحر اللي دايما بيتقلب و مش ثابت على حال. زي ما فيه اياما صعبة فيها تحديات و صعاب فيه كمان ايام جميله فيها نجاحات و احلى الذكريات

Program top band 5

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s