قصة شابة رؤيتها واضحة وارادتها قوية تتحدى مفاهيم راسخة في مجتمعها

كونك بنت كثير بيتأخد عنك انطباع من المجتمع والناس انك هتزهقي بسرعة ومش هتكملي. دي كانت اكتر حاجة بتقابلني خاصة لإني بحاول اقدم حاجة مختلفة مش مألوفه. دائما بقول ان ده مش بيفرقلي – بس لو اتكلمنا بمنتهى الصراحه فطبعا كنت بيأثر عليه ولو قليل وبحتاج أشتغل على نفسي علشان مأحبطش. كان كثير نفسي ألاقي دعم وتشجيع وتفهم. بس أنا اكتشفت ان من أسرار نجاحي ان أد ما الكلام كان بيكون محبط أد ما كان بيكون دافع ليه علشان اكسر التابوه ده …

The story of a leader who believes that the key to happiness and success lies in gratitude

I think one of the important life lessons that I would like to pass on to my daughter and to any career oriented young woman is to carefully choose her life partner. You need a man who would support your career and would be happy to see you grow and succeed and that’s key in selecting your life partner. If not for my husband and his willingness to support me and his acceptance of my career as part of Who I am, I’m sure I wouldn’t have been able to make it and I wouldn’t be the person I am now. 

قصة قائدة شعارها في الحياة ان الرضا والامتنان مفتاح السعادة والنجاح

من أهم الدروس المستفادة في الحياة اللي أحب أوصلها لبنتي ولأي شابة بتدور عن مستقبل ناجح في شغلها، هيه أنك تختاري شريك حياتك بعناية شديدة. إنتي محتاجة لراجل يدعم شغلك ويفرح لما يشوفك بتكبري وبتنجحي فيه. لو ماكنش جوزي معايا بيدعمني وبيتقبل شغلي كجزء من شخصيتي، فأنا متأكدة إني ماكنتش قدرت أكمل المشوار ولا كنت حكون في مكاني دلوقتي

The story of a leader, a maker of hope who derives her strength and inspiration from her belief in her mission

Many times when I am travelling, I return to an empty room in a foreign hotel after a long hectic day.  I feel lonely and homesick.  However, I forget all that when I remind myself that it is my calling to spread hope; to help women stand up on their feet and depend on themselves, to put a smile on little children’s faces.  I am continuing the legacy that my mother instilled in me all these years ago……

قصة قائدة صانعة للأمل تستمد قوتها وإلهامها من إيمانها برسالتها

أكبر درس إتعلمته إني أشتغل على نفسي واتعلم حاجات جديدة كل يوم. بتعلم من فريق العمل بتاعي، من ولادي، من جوزي، من أصدقائي ووالدتي وعيلتي وإخواتي. بتعلم من كل شخص بقابله سواء شباب أو أطفال، أي إنسان بقابله له قصة وله دور وله تجاربه الشخصية

قصة شجاعة وإرادة وقوة ومثابرة

مفيش وصفة سحرية للنجاح و مفيش صح و غلط وده بيرجع لحياة كل ست وقدرة تحملها خاصة وإن كل حياة لها ظروفها الخاصة.  فعلا جميع الستات بيعانوا كتير للوصول لمناصب عليا وقليل منهم اللي بينجح لأن الحياة مش سهله

قصة تقدم مثال حي للشجاعة والإرادة والعمل الجاد واليقين

لو رجع بيه الزمن كنت أحب أدي لنفسي وقت أكتر. أنا طول عمري بعمل حاجات كتير في نفس الوقت وكنت هانصح نفسي إني أقف وأقيم كل فترة من حياتي وإيه تعلمات المرحلة لأني كنت دايماً مستعجلة إني أخلص اللي أنا بعمله وأول لما بخلص بدور على الحاجة اللي بعدها ونغير ما أقف وأقيم

قصة سيدة أدركت أن السير نحو النجاح رحلة لا نهاية لها فمهما توقفت قليلاً عن السير صححت أخطائها وطورت مهاراتها واشحذت همتها وتكمل مسيرتها نحو النجاح بتفاؤل وحماس

والدي ووالدتي كانوا شخصياتهم قويه وكل واحد كان عارف مسئولياته كويس. اتعلمت منهم أساسيات مهمه أوي هي المحرك لحاجات كتير في حياتي لغايه النهارده. أولا أنا وأختي طلعنا كل واحد عارف مسئولياته وواجباته وحدوده وحقوقه. والدي كان دايماً يقول أي حاجة أنتي عايزة تعمليها طالما هي صح وممكن تحقيقها يبقى أنا بدعمك وماتخليش حد يقولك إن ما ينفعش تعمليها. وكان دايماً يقول أن قيمة الفرد مينية على قدراته ، اجتهاده في العمل ،تحمل المسؤلية ،والتزامه بالقيم والمبادئ . والدي كان حريص انه يربى جوايا مبداء معملة البشر من خلال الانسانية الي مش بتفرق بين راجل وست أو أي ديانة اوعرق . والدي ووادتي كانوا دايما يقولوا إن مافيش عوائق توقف الواحد عن الوصول لهدفه، وأن لما تظهر العوائق في طريقنا فإحنا هانلف حوليها عشان نكمل الطريق. انا وأختي اتربينا على إن الإنسان اللي ربنا بيديله نعم ماينفعش يقعد ساكت ومايستخدمهاش، لأنه عنده مسئولية كبيرة أوي للمجتمع ، وده خلاني ادرك اني لازم أساعد بكل الطرق الممكنة

قصة سيدة طبقت مقولة (إذا أردت الوصول إلى ما لم يصل إليه أحد، فإسلك طرقا لم يسلكها أحد) فوصلت ونجحت حتى اصبحت من الرواد في مجالها

وكانت حاجة صعبة أوى إني أقنع الوزارة إن دي حاجة مهمة وقد إيه هتعمل أثر إيجابي في الطلبة. وكمان اننا فعلا مؤمنين بالقضيه مش ناس عندنا تمويل أجنبي وعندنا اجنده سريه. ده غير انهم كانوا دايماً شايفيني صغيرة ومش فاهمه أنا بعمل أيه وكانوا كثير يقولولي “هاتي حد كبير نكلمه”. كان في مقاومة جامدة جداً جدا من الجهات الحكومية في الأول وكان لازم نصمد معاهم علشان الموافقات منهم كانت أساسية عشان ندخل أصلاً أي مدرسه. آخر مازهقوا مني ومن اصراري ادوني الموافقة

قصة سيدة تبحر نحو جزيرة النجاح بإصرار وصبر مستعينة بصحبه طيبة تشد من أزرها وتقوي من عزيمتها

واجهت صعوبة كبيرة لأن كانت مسؤلياتى كبرت اكتر وفى ثلاث اطفال و شغلى وانا من اسكندرية و كان لازم اسافر القاهرة و طبعا معظم الحواليا شايفين ان ده غباء و انتحار و تقصير فى حق اسرتى لولا ايمان زوجى بى و بحلمى. كان هو أكتر حد دعمنى و شجعنى و ساعدنى فى التحدى ده ، التحدى ده شايفاه تحدى خاص اووى و بركة من ربنا لأنها كانت رحلة فريدة و مميزة فاكرة تفصيلها حتى اللحظة دى اكتر الحاجات التعلمتها عظمة الانسان و نظريتى لكل انسان انه عظيم و ازاى اشاركه رحلة تغيره بس بمسؤليته هو و اختياره هو و حاجات كتيير اوووى …..

قصة قائدة شابه ملهمة متعددة المواهب والقدرات أدركت ان أول خطوات القيادة هي الخدمة

مثلي الأعلى في الحياه هو والدي الله يرحمه. رجل كان محب لأسرته وصديق قريب لي. هو اللي علمنى معنى الإصرار والمثابرة، وكان طول عمره يقولي إوعي تسيبي حلمك. علمني إن الرجولة صفة وليست نوع، فالرجولة رحلة أولها عمل وفي نصفها صبر وآخرها حكمة

قصة سيدة طلبت النجاح فتهيأت للعمل وصنعت تجربتها فمشت الطريق الى الغاية ولم تترسم خطاها

أكتر حاجة ساعدتني إني أقدر أبدأ وأكمل، طبعا بعد كرم ربنا وعيلة وأسرة بتشجع وتتفهم وتساعد، كان تقبلي لفكرة إني لو عايزة أكون أم و زوجة وبشتغل وبساعد في المجتمع وبدرس، لازم اقبل فكرة اني مش هقدر ادي كل حاجة منهم ١٠٠٪، وأعرف أولاوياتي كويس وايه اللي عندي استعداد اضحي بيه وامتى وايه اللي مش عايزة أقصر في دوري فيه . واني ما انساش أعمل الحاجات اللي بحبها وأقضي أكتر وقت ممكن مع عيلتي عشان ده اللي بيخليني عندي طاقة اني أكمل ،وأسيب وقت ولو صغير جدا لنفسي. واني أتعلم أقول “لأ” حتى لأحسن الفرص لو مش في وقتها، وأطلب المساعدة لما أحتاجها